చీకటి కాలము వచ్చుచుండె

చీకటి కాలము వచ్చుచుండె - కృప కాలము నుపయోగించు

తలుపులు తెరచి - యుండగనే విరిగిన మనసుతో సాగెదవా

బీడు భూములధికముగా - చూచిన నీవు సాగిరా

యేసును వారికి చూపించు - ప్రేమ సువార్తను చాటించు       ||చీకటి ||

ఎన్నో రాజ్యములీనాడు - దేవుని పనికి మూయబడే

తెరచిన తలుపులు ఎదురుండన్‌ - ప్రవేశింతురు జ్ఞానులు       ||చీకటి ||

విశ్వాసుల సహవాసమున - ప్రేమైక్యత గలదని

చెప్పెడి దినములు - మనమధ్యకు రావలెను       ||చీకటి ||

మాదు హృదయముల నింపు - నీదుప్రేమతో మా ప్రభువా

హిందూ దేశపు వీధులలో - నాధా నిన్నే చాటెదము       ||చీకటి ||

ఆ తలుపులు తెరచియుండగనే - విరిగిన మనసుతో సాగెదవా

కాలమపాయముగానుండె - సమయము సద్వినియోగించు