భయాలలో అభయమునిచ్చే

భయాలలో అభయమునిచ్చే దయామయా

మా జయాలకు మూలము నీవే మా యేసయ్యా

నీవే నీవే నీవే నీవే మాకు ఆనంద కారణము

నీకే నీకే నీకే నీకే స్తుతులతో సింహాసనము

నీ భజనే ఆధారము - స్తుతిలేక బ్రతుకజాలము

నీ స్మరణే మా సర్వము - మాకదియే శోభస్కరము

అందుకొనుము మా వందనము-అందించుము నీ రక్షణము       ||భయాలలో ||

నీ నామమే ఆశ్రయము పొగడకుండా ఉండలేము

నీ సన్నిధే ఉత్తమము - మోకరిల్లక ఆగలేము

ఆలకించుమీ నినాదము - అందించుము నీ వివేకము       ||భయాలలో ||

నీ శిలువే శరణ్యము ఆ దారిని విడువలేము

నీ పలుకే ఆచరణము అంతము వరకు పాటించెదము

ధ్యానింతుము నీ సునాదము - పఠియింతుము నీ లేఖనము       ||భయాలలో ||