Verse
చింతెందుకు మీకు దిగులెందుకు
మన ప్రియులు లేరని బాధెందుకు‖ 2x ‖
కష్టాలు లేని కన్నీళ్లు లేని
పరదైసులోన తానుండగా‖ 2x చింతెందుకు ‖
Verse
శాశ్వతము కాదు ఈ లోకము
మన గమ్యస్థానము పరలోకము‖ 2x ‖
ఎన్నాళ్ళు బ్రతికినా మన ప్రభువు పిలుపుకు
తప్పక ఈ భువిని వీడాలిగా‖ 2x చింతెందుకు ‖
Verse
ఒకరోజు మన ప్రియుని చూస్తామనే
నిరీక్షణ ప్రభువు మనకొసగెగా‖ 2x ‖
ఆ రోజు వరకు పరదైసులోన
అబ్రహాము చెంతన తానుండగా‖ 2x చింతెందుకు ‖