కడవరి కాలం మరి

కడవరి కాలం మరి కలుషితకాలం

నీతిని అవినీతిగా దుర్నీతిని మంచిగా

చెప్పుకొనుచు తప్పుకొని తిరిగెడి కాలం

చదువులందు పదవులందు అధికులైనను

విధములు పలువిధములుగా మరలుచుందురు

విధి ధర్మమునెదిరించి వదరు చుందురు

హృదిని మదిని దైవ భయములేక యుందురు       ||కడవరి ||

ఒకరినొకరు పొసగకయే మసలుచుందురు

పొరుగు వారిని తికమకలు పెట్టుచుందురు

భక్తి జీవితంబులందు చిచ్చులాటలు

ప్రభుని చేర ప్రార్ధించగ త్వరపడరేల       ||కడవరి ||

ప్రతివారు తనకు తాను చూచుకొనకయే

పరులమీద పలునిందలు వేయుచుందురు

పరుల బాధలను చూచి సంతసింతురు

పరముచేర భాగ్యము పొందకుందురు       ||కడవరి ||