అడిగినది కొంతే అయినా

పాట రచయిత: క్రాంతి చేపూరి

అడిగినది కొంతే అయినా

పొందినది ఎంతో దేవా

ప్రతిగా ఏమివ్వగలనయా

నిను స్తుతియించే హృదయము తప్ప

నా జీవితం నీకే అంకితమయ్యా – (4)            ||అడిగినది||

ఊహించలేని వివరింపజాలని

నీ కార్యములు ఆశ్చర్యమే

యోచించినా నా వర్ణనకందని

నీ కృపా కనికరములు అత్యున్నతమే

తరతరములకు మారని నీ ఉన్నత ప్రేమా

యుగయుగములకు నీకే ఘనతా మహిమా

సతతం నిను నే కొనియాడెదను

సకలం నీ నామముకే స్తోత్రము తగును            ||అడిగినది||

క్షణ భంగురం నా క్షయ జీవితం

కాచావయ్యా నను నీ రెక్కల నీడ

ఏ యోగ్యత లేని అల్పురాల నన్ను

హెచ్చించావయ్యా నీ ప్రేమ తోడ

నా ఆశ్రయ దుర్గము నీవే యేసయ్య

నా రక్షణ శృంగము నీవే మెస్సయ్య

నా స్తుతికి పాత్రుడవు నీవేనయ్యా

ఈ స్తోత్ర కీర్తన నీకేనయ్యా                 ||అడిగినది||

మహిమోన్నతుడా నను మరువని విభుడా

ప్రణుతించెదను నిన్నే నిరతం

నిష్కలంకుడా నిర్మలాత్ముడా

ప్రకటించెదను నీ పావన చరితం