నా యేసు ప్రభువా

నా యేసు ప్రభువా - నా నిజదైవమా

నా ప్రాణ ప్రియుడా - నా జీవ నాధుడా

ఆశ్రయ దుర్గమా - రక్షణ శృంగమా

నీ రెక్కల చాటుననే దాగియుందును

పాపకూపాన పడియున్న నన్ను - ప్రేమించినావు నాదరి చేరినావు

నీ కరము చాపి నన్ను పైకిలేపి - క్రీస్తనే బండపైన నను నిలిపినావు       ||హల్లె ||

నా పాపములకు బలియైనావు - నా శాపములకు గురియైనావు

నా పాప శిక్షను నీవే భరించి - పాపక్షమాపణ నా కిచ్చినావు       ||హల్లె ||

శ్రమలో నాకు అండగా నిలిచావు - శోధనలో నాకు బండగా నున్నావు

నీకు మొఱపెట్టగా నా మొఱ విన్నావు - నన్ను విడిపించి కృపజూపినావు       ||హల్లె ||

నీ కృపలను నే నిత్యము తలచి - రక్షణపాత్రగ నీకై నిలచి

జీవిత కాలమంత నీకై సాక్షిగ - కృతజ్ఞత స్తుతులు చెల్లింతు ప్రభువా       ||హల్లె ||

హల్లెలూయ - హల్లెలూయ హల్లెలూయ - హల్లెలూయ

హల్లెలూయ స్తుతి స్తోత్ర గీతాలతో కీర్తింతు నిన్ను ఎల్లప్పుడు