ప్రభువా నీ పరిపూర్ణత నుండి

ప్రభువా నీ పరిపూర్ణత నుండి

పొందితిమి కృప వెంబడి కృపను

ప్రభువైన యేసు క్రీస్తు – పరలోక విషయములో

ప్రతి ఆశీర్వాదమును – ప్రసాదించితివి మాకు       ||ప్రభువా||

జనకా నీ-వెన్నుకొనిన – జనుల క్షేమము జూచి

సంతోషించునట్లు – నను జ్ఞాపకముంచుకొనుము        ||ప్రభువా||

నీదు స్వాస్థ్యమైనట్టి – నీ ప్రజలతో కలిసి

కొనియాడునట్లుగా – నను జ్ఞాపకముంచుకొనుము        ||ప్రభువా||

దేవా నీదు స్వరూప – దివ్య దర్శనమును

దినదినము నాకొసగి – నను జ్ఞాపకముంచుకొనుము        ||ప్రభువా||

మీ మధ్యన నా ఆత్మ – ఉన్నది భయపడకు

డనిన మహోన్నతుడా – నను జ్ఞాపకముంచుకొనుము        ||ప్రభువా||

ముదమారా నన్నెన్నుకొని – ముద్ర యుంగరముగను

చేతుననిన ప్రభువా – నను జ్ఞాపకముంచుకొనుము        ||ప్రభువా||

కృపా సత్య సమ్మిళిత – సంపూర్ణ స్వరూప

హల్లెలూయా నీకే ప్రభో – ఎల్లప్పుడూ కలుగుగాక        ||ప్రభువా||