మారుచున్న సమాజములోన

మారుచున్న సమాజములోన - మారని యువకులు లేవాలి

మారని యేసు మార్గములోన - మరలక నడవాలి

చదువులలో పదవులలో - పెదవులలో హృదయములో

మాటలలోన పాటలలోన - పరిశుద్ధతయే కావాలి       ||మారుచున్న ||

చూపులలో రూపులలో - కోరికలో తీరికలో అందములోన

బంధములోన పరిశుద్ధతయే కావాలి పరివర్తనయే రావాలి       ||మారుచున్న ||

మోదములో బేధములో శోధనలో రోదనలో సాధనలోన

వాదనలోన పరిశుద్ధతయే కావాలి - పరివర్తనయే రావాలి       ||మారుచున్న ||

శౌర్యములో ధైర్యములో సాఖ్యములో ఐక్యములో సంఘములోన

రంగములోన పరిశుద్ధతయే కావాలి - పరివర్తనయే రావాలి       ||మారుచున్న ||

సేవలలో త్రోవలలో - వేడుకలో కూడికలో యౌవనములోన

కవనములోన పరిశుద్ధతయే కావాలి - పరివర్తనయే రావాలి       ||మారుచున్న ||