రేయి పగలు నీ పదసేవే - జీవదాయక చేయుట మేలు
సాటిలేని దేవుడనీవే - నాదుకోట కొండయునీవే
పరమపురిలో దేవానిరతం - దూత గణములు స్తుతులను సల్ప
శుద్ధుడు పరిశుద్ధుడనుచు - పూజనొందే దేవుడనీవే ||రేయి పగలు ||
జిగటమన్నే మానవులంతా - పరమకుమ్మరి ప్రభుడవు నీవే
సృష్టికర్తను మరచి జనులు - సృష్టినే పూజించుట తగునా ||రేయి పగలు ||
పెంట కుప్పల నుండి దీనుల - పైకి లేపు ప్రభుడవు నీవే
గర్వమణచి గద్దెలుదింపి - ఘనులనైనా మేపవగడ్డి ||రేయి పగలు ||
నరుల నమ్ముట కంటేె నిజముగ - నీదు శరణం శరణం దేవా
రాజులను ధర నమ్ముటకంటేె రాజరాజవు నాకాశ్రయము ||రేయి పగలు ||
అగ్ని వాసన నంటకుండా - అబెద్నెగోలతొ నుండిన దేవా
దానియేలును సింహపు బోనులో - ఆదుకున్న నాధుడ నీవే ||రేయి పగలు ||
పరమ గురుడవు ప్రభులకు ప్రభుడవు - పరము చేర్చే పధము నీవే
అడుగు జాడలో నడచిన హానోకు - పరము చేరే ప్రాణము తోడ ||రేయి పగలు ||
మృతుల సహితము లేపినావు - మృతిని గెల్చి లేచినావు
మృతులనెల్ల లేపేవాడవు - మృత్యువును మృతి జేసితినీవు ||రేయి పగలు ||