Verse
దయగలయేసు పాపికాశ్రయుడా
ప్రియ ప్రభు ద్రోహిని కరుణించుము
Verse
ఓ ప్రభూ నీకు విరోధముగా పాపము చేసిన దురితుండను
నీచుడనై నిన్ను వేధించితిన్ ఓ నాథా పాపిని క్షమించుము
Verse
లోకాశలన్నియు శోధించగా నా కాయమంతయు క్షీణించెను
నా కాశ్రయంబు నీవే ప్రభూ ఓ నాథా పాపిని మన్నించుము
Verse
నా ధనము ఘనము నా సర్వము నా దేవా పాపముకై వ్యయపరచితిన్
ఓ దేవా నేను రిక్తుండను నా దురితంబులను బాపుమా
Verse
అందరు నాకు బంధువులని ఎందరో స్నేహంబు చేసిరి
అందరు నన్ను విడువంగను నా తండ్రీ నా కాశ్రయంబిమ్ము
Verse
మరుగైన నాదు పాపంబులకు నరకంబు నాకు సరియైనది
నీ రక్తముతో కడుగుమా మరి నాకు దిక్కెవరు ఓ యేసువా
Verse
ఈ నాడే నీ మాట నేవిందును ఎన్నడు నిన్ను విడువను
ఈ నాడే నన్ను క్షమించుము నా పేరు గ్రంధమందు వ్రాయుము