సర్వాధిపతికేస్తుతి

సర్వాధిపతికేస్తుతి - సర్వోన్నతునికే మహిమ

వేవేల దూతాళిచే - పాడబడు ప్రభుకేస్తుతి

గాఢాంధకారములో - వెలుగు కమ్మని పలికెను

చీకటి బ్రతుకులలో - వెలుగు జీవము కలుగ

తనతోడ బ్రతికించెను       ||సర్వాధిపతికే ||

చెదరిపోయిన గొఱ్ఱెను - వెదకి తన దరిచేర్చెను

సదయుడై ఓదార్చి - తనదు మందలో జేర్చి

మంచి కాపరియాయెను       ||సర్వాధిపతికే ||

కంటనీటిని తుడిచెను - నోటస్తోత్రము నుంచెను

అల్పజీవిని నాలో - అద్భుతములే జేసి

తనకు సాక్షిగా నిలిపెను       ||సర్వాధిపతికే ||