తన రెక్కల క్రింద ఆశ్రయము

తన రెక్కల క్రింద ఆశ్రయము - తన రెక్కలతో కప్పును

మహోన్నతుని యందు - విశ్రమించి యుండెడివాడు

సర్వశక్తుని నీడను - వసియించు వానికి పరమ శ్లాఘనీయము       ||తన ||

ప్రభువే నా ఆశ్రయము - నాకోటయు దుర్గమును

ప్రభువే సత్యము - ప్రభువే డాలు - ప్రభువే నా నమ్మకం       ||తన ||

రాత్రి భయము నుండి - పగటి బాణమునుండి

చీకటిలో తిరిగెడు తెగులునకైనా - నేను భయపడను       ||తన ||

పదివేల మంది - నీ ప్రక్కన పడినను

అపాయము నీ యొద్దకు రాదు - నీ దేవుడె దయజూపును       ||తన ||

దేవుడె ఆశ్రయము - చెడుగు నిన్ను నడిపించదు

యే తెగులు నీ గృహంబునకు - రాకుండగ కాపాడును       ||తన ||

నీదు మార్గంబులో - నిను దూతలు కాయును

నీ పాదమునకు రాయి తగులకుండ - ఎత్తెదరు చేతులతో       ||తన ||

నీవు సింహంబులను - నాగుపాములనణచెదవు

ఆయన నామమును నమ్మిన నిన్ను - విడిపించి కాపాడును       ||తన ||

ఆయనకాపదలో మొర్రపెట్టినపుడే - నను తప్పించెను

ఆత్మీయ మిత్రుడై నను రక్షించెను       ||తన ||