దేవ సంస్తుతి

Deva Samsthuthi

Lyricist: Mungamuri Devadasu

Verse

దేవ సంస్తుతి చేయవే మనసా

శ్రీ-మంతుడగు యెహోవ సంస్తుతి చేయవే మనసా

దేవ సంస్తుతి చేయుమా నా – జీవమా యెహోవా దేవుని

పావన నామము నుతించుమా – నా యంతరంగము

లో వసించు నో సమస్తమా‖ దేవ ‖

Verse

జీవమా, యెహోవా నీకు – జేసిన మేళ్ళన్ మరువకు‖ 2x ‖

నీవు చేసిన పాతకంబులను – మన్నించి జబ్బు

లేవియున్ లేకుండ జేయును – ఆ కారణముచే‖ దేవ ‖

Verse

చావు గోతినుండి నిన్ను – లేవనెత్తి దయను గృపను‖ 2x ‖

జీవ కిరీటముగ వేయును – నీ శిరసు మీద

జీవ కిరీటముగ వేయును – ఆ కారణముచే‖ దేవ ‖

Verse

యవ్వనంబు పక్షిరాజు – యవ్వనంబు వలెనే క్రొత్త‖ 2x ‖

యవ్వనంబై వెలయునట్లుగా – మే లిచ్చి నీదు

భావమును సంతుష్టిపరచునుగా – ఆ కారణముచే‖ దేవ ‖

Verse

ప్రభువు నీతి పనులు చేయును – బాధితులకు న్యాయ మిచ్చున్‖ 2x ‖

విభుండు మార్గము తెలిపె మోషేకు – దన కార్యములను

విప్పె నిశ్రాయేలు జనమునకు – ఆ కారణముచే‖ దేవ ‖

Verse

అత్యధిక ప్రేమ స్వరూపి-యైన దీర్ఘ శాంతపరుండు‖ 2x ‖

నిత్యము వ్యాజ్యంబు చేయడు – ఆ కృపోన్నతుడు

నీ పయి నెపుడు కోప ముంచడు – ఆ కారణముచే‖ దేవ ‖

Verse

పామరుల మని ప్రత్యుపకార – ప్రతి ఫలంబుల్ పంపలేదు‖ 2x ‖

భూమి కన్న నాకాసంబున్న – ఎత్తుండు దైవ

ప్రేమ భక్తి జనులయందున – ఆ కారణముచే‖ దేవ ‖

Verse

పడమటికి తూర్పెంత ఎడమో – పాపములను మనకు నంత‖ 2x ‖

ఎడము కలుగజేసియున్నాడు – మన పాపములను

ఎడముగానే చేసియున్నాడు – ఆ కారణముచే‖ దేవ ‖

Verse

కొడుకులపై తండ్రి జాలి – పడు విధముగా భక్తిపరుల‖ 2x ‖

యెడల జాలి పడును దేవుండు – తన భక్తిపరుల

యెడల జాలిపడును దేవుండు – ఆ కారణముచే‖ దేవ ‖

Verse

మనము నిర్మితమయిన రీతి – తనకు దెలిసియున్న సంగతి‖ 2x ‖

మనము మంటి వారమంచును – జ్ఞాపకము చేసి

కొనుచు కరుణ జూపుచుండును – ఆ కారణముచే‖ దేవ ‖

Verse

పూసి గాలి వీవ నెగిరి – పోయి బసను దెలియని వన‖ 2x ‖

వాస పుష్పము వలెనె నరుడుండు – నరు నాయువు తృణ

ప్రాయము మన దేవ కృప మెండు – ఆ కారణముచే‖ దేవ ‖

Verse

పరమ దేవ నిబంధ నాజ్ఞల్ – భక్తితో గైకొను జనులకు‖ 2x ‖

నిరతమును గృప నిలిచి యుండును – యెహోవ నీతి

తరములు పిల్లలకు నుండును – ఆ కారణముచే‖ దేవ ‖