దేవాది దేవాత్మజా మమ్ము దీవించు

Devaadi Devaathmajaa Mammu Deevinchu

Lyricist: Purushothamu Choudari

Chorus

దేవాది దేవాత్మజా మమ్ము దీవించు ప్రభురాజా దేవాదిదైవ మానుషాభవ్య

దేదీప్యగుణతేజా‖ దేవాది ‖

Verse

చెదరిన నీ గొఱ్ఱెల కదుపు వెదుకవచ్చితివియ్యల సదయా

హృదయాభ్యుదయా సాధు జన నిత్య పరిపాలా‖ దేవాది ‖

Verse

దురితాలవాలమునం బుట్టు నరకీటముల మన్నా కరుణారసమనిశము

మాపై విరఁజల్లవే చల్లగా‖ దేవాది ‖

Verse

నరకంబు నిధియొడ్డున మేము దిరుగుచు పడబోయిన తఱి నీ

వెఱిఁగి త్వరగా మమ్ము మరలించి నావన్నా‖ దేవాది ‖

Verse

యేసు నీ దాసులము నీకు దోసిలి యొగ్గినాము దోషా రోషా

భ్యాసములను దూరముఁ దొలఁగించుము‖ దేవాది ‖

Verse

ప్రాణేశ నీ సిలువఁ జిందు శోణితంపు విలువ త్రాణకరము స్ధిరము

దాని దర్శించుటే జీవము‖ దేవాది ‖

Verse

బాలుర మజ్ఞులము మమ్ము బాలింపవే నిత్యము నీ లోపలి జాలి మాకు

నిజముగాఁ జూపించుము‖ దేవాది ‖

Verse

ఆనందమగు నీ కృప మేము ధ్యానించుటకు నేర్పుమా జ్ఞానోజ్వలము

బలము శిశువుల మైన మా కవి యిమ్ము‖ దేవాది ‖