Chorus
దేవుడొక నగరము మన కొరకై - సిద్ధపరచుచుండె నుండుటకై
మనము వెళ్ళెదం నిశ్చయముగా
Verse
మేలిమి బంగారము అద్భుత నగరం
విలువైన రాళ్ళతో పునాది వేసెను
రక్తముచే శుద్ధులై క్షమించబడితిమి
మనము వెళ్ళెదం నిశ్చయముగా నిశ్చయముగా
Verse
నగర ప్రాకారములు ఎత్తైనవి
సూర్య కాంతములచే కట్టబడెను
ప్రభువే విమోచించి అధికారమిచ్చెను
మనము వెళ్ళెదం నిశ్చయముగా నిశ్చయముగా
Verse
ముత్యాల గుమ్మములు పండ్రెండు గలవు
పన్నిద్దరు దూతలు అచ్చట నుండిరి
పరిశుద్ధ జీవితం నేర్పించెను ప్రభువు
మనము వెళ్ళెదం నిశ్చయముగా నిశ్చయముగా
Verse
ఆ నగర వీధులు మేలిమి బంగారం
ద్వారములు ఎప్పటికి మూయబడవు
ఆర్భాటంతో ప్రవేశించి విజయోత్సవంబుతో
మనము వెళ్ళెదం నిశ్చయముగా నిశ్చయముగా
Verse
గొర్రెపిల్ల సింహాసన మచ్చటుండును
ఆయనే దీపము నాలయమై యుండును
జీవగ్రంథమందున పేరులున్నవనుచు
మనము వెళ్ళెదం నిశ్చయముగా నిశ్చయముగా
Verse
జయవంతుల కొరకే ఆ నగరం
పాపాత్ములు అచ్చటకు వెళ్ళనేరరు
విజయుల మౌదము క్రీస్తుని రక్తముచే
మనము వెళ్ళెదం నిశ్చయముగా నిశ్చయముగా