దేవుని ప్రేమ యిదిగో జనులార భావ

Devuni Prema Yidhigo Janulaara Bhaava

Lyricist: Gollapalli Nathaniel

Verse

దేవుని ప్రేమ యిదిగో జనులార భావంబునం దెలియరే కేవలము

నమ్ముకొనినఁ పరలోక జీవంబు మన కబ్బును‖ దేవుని ‖

Verse

సర్వలోకము మనలను తన వాక్య సత్యంబుతోఁ జేసెను

సర్వోపకారుడుండే మన మీద జాలిపరుఁడై యుండెను‖ దేవుని ‖

Verse

మానవుల రక్షింపను దేవుండు తన కుమారునిఁ బంపెను మన

శరీరముఁ దాల్చెను ఆ ప్రభువు మన పాపమునకు దూరుఁడే‖ దేవుని ‖

Verse

యేసుక్రీస్తను పేరున రక్షకుఁడు వెలసి నాఁడిలలోపల దోసకారి జనులతో

నెంతోను భాషలను బల్కినాఁడు‖ దేవుని ‖

Verse

పాపభారంబు తోడ నే ప్రొద్దు ప్రయాసములఁ బొందెడి పాపులందఱు

నమ్మిన విశ్రాంతి పరిపూర్ణమిత్తు ననెను‖ దేవుని ‖

Verse

సతులైన పురుషులైనన్ యా కర్త సర్వ జనుల యెడలను సత్ప్రేమగ

నడిచెను పరలోక సద్బోధలిక జేసెను‖ దేవుని ‖

Verse

చావు నొందిన కొందఱిన్ యేసుండు చక్కఁగా బ్రతికించెను సకల

వ్యాధుల రోగులు ప్రభు నంటి స్వస్థంబు తా మొందిరి‖ దేవుని ‖

Verse

గాలి సంద్రపు పొంగులన్ సద్దణపి నీళ్లపై నడచినాఁడే మేలు గల

యద్భుతములు ఈలాగు వేలకొలఁదిగ జేసెను‖ దేవుని ‖

Verse

చేతుల కాళ్లను రా రాజు చేర మేకులు బొందెను పాతకులు

గొట్టినారే పరిశుద్ధ నీతి తా మోర్వలేకన్‖ దేవుని ‖

Verse

ఒడలు రక్తము గారఁగ దెబ్బలు చెడుగు లందఱుఁ గొట్టిరి వడిముళ్లు

తలమీఁదను బెట్టిరి ఓర్చెనో రక్షకుండు‖ దేవుని ‖

Verse

ఇన్ని బాధలు బెట్టుచుఁ దనుఁ జంపు చున్న పాప నరులను

మన్నించు మని తండ్రిని యేసుండు సన్నుతితో వేఁడెను‖ దేవుని ‖

Verse

రక్షకుడు శ్రమఁ బొందఁగా దేశంబు తక్షణము చీఁక టయ్యెన్

రక్షకుఁడు మృతి నొందఁగఁ తెర చినిఁగి రాతి కొండలు పగిలెను‖ దేవుని ‖

Verse

రాతి సమాధిలోను రక్షకుని నీతిగల దేహంబును పాఁతి పెట్టిరి

భక్తులు నమ్మిన నాతు లందఱుఁ జూడఁగా‖ దేవుని ‖

Verse

మూఁడవ దినమందున యేసుండు మృతి గెల్చి లేచినాఁడు నాఁడు

నమ్మిన మనుజులు చూచిరి నలువది దినములందున్‖ దేవుని ‖

Verse

పదునొకండు మారులు వారలకుఁ బ్రత్యక్షుఁ డాయె నేను పర

లోకమున కేగెను తన వార్తఁ బ్రకటించు మని పల్కెను‖ దేవుని ‖

Verse

నమ్మి బాప్తిస్మమొందు నరులకు రక్షణ మరి కల్గును నమ్మ నొల్లక

పోయెడు నరులకు నరకంబు సిద్ధమనెను‖ దేవుని ‖