దేవుని వారసులం ప్రేమ నివాసులము

Devuni Vaarasulam Prema Nivasulam

Chorus

దేవుని వారసులం ప్రేమ నివాసులము

జీవన యాత్రికులం యేసుని దాసులము నవయుగ

సైనికులం పరలోకపౌరులము హల్లెలూయ నవయుగ

Verse

దారుణ హింసలలో దేవుని దూతలుగా

ఆరని జ్వాలలో ఆగని జయములతో మారని ప్రేమ

సమర్పణతో సర్వత్ర యేసును కీర్తింతము‖ దేవుని ‖

Verse

పరిశుద్ధాత్మునికై ప్రార్థన సలుపుదము

పరమాత్ముని రాక బలము ప్రసాదింప ధరణిలో ప్రభువును

జూపుటకై సర్వాంగహోమము జేయుదము‖ దేవుని ‖

Verse

అనుదిన కూటములు అందరి గృహములలో

ఆనందముతోను ఆరాధనలాయో వీనులవిందగు పాటలతో

ధ్యానము చేయుచు మరియుదుము‖ దేవుని ‖

Verse

సజీవ సిలువ ప్రభు సమాధి గెలుచుటచే

విజేత ప్రేమికులం విధేయ బోధకులం నిజముగ రక్షణ

ప్రబలుటకై ధ్వజముగ సిలువను నిలుపుదము‖ దేవుని ‖

Verse

గోధుమ గింజవలె క్రీస్తుడు చావగను

నాధుని మరణములో శాశ్వత జీవమును నిధులుగ పండించి

లేవగను మాధుర్య రక్షణ లభియించెను‖ దేవుని ‖

Verse

హతసాక్షుల కాలం అవనిలో చెలరేగ

గతకాలపు సేవ గొల్గొత గిరి భీతులలో బహురీతులలో

నూతన లోకము కాంక్షింతుము‖ దేవుని ‖

Verse

ప్రభువును చూచుటకై ప్రజలందరు రాగ

విభు మహిమను గాంచ విశ్వమే మముగోర శుభములు

గూర్చుచు మాలోన శోభిల్లుయేసును జూపుదము‖ దేవుని ‖