దేవర నీ దేవెనలు ధారళముగను వీరల

Dhaevara nee dhaevenalu dhaaraLamu ganu veeralaa

Lyricist: Allari Pedaveeraswamy

Chorus

దేవర నీ దేవెనలు ధారళముగను వీరలపై బాగుగ వేగమె దిగనిమ్ము

పావన యేసుని ద్వారగను‖ దేవర ‖

Verse

దంపతులు దండిగ నీ ధాత్రిలో వెలయుచు సంపదలన్ సొంపుగ

నింపుగ పెంపగుచు స హింపున వీరు సుఖించుటకై‖ దేవర ‖

Verse

ఈ కవను నీ కరుణన్ ఆకరువరకును లోకములో శోకము లేకయె

యేకముగాఁ బ్రాకటముగను జేకొనుము‖ దేవర ‖

Verse

ఇప్పగిది నెప్పుడును గొప్పగు ప్రేమతో నొప్పుచు దా మొప్పిన చొప్పునఁ

దప్పకను మెప్పుగ బ్రతుకగఁ బంపు కృపన్‖ దేవర ‖

Verse

తాపములు పాపములు మోపుగ వీరిపై రాకుండగాఁ గాపుగఁ బ్రాపుగ

దాపునుండి యాపద లన్నియుఁ బాపుచును‖ దేవర ‖

Verse

సాధులుగన్ జేయుటకై శోధనలచే నీవు శోధింపగాఁ కదలక వదలక

ముదమున నీ పాదము దాపునఁ బాదుకొనన్‖ దేవర ‖

Verse

మెండుగ భూమండలపు గండములలో వీరుండగను తండ్రిగ దండిగ

నండనుండి వెండియు వానిని ఖండించవే‖ దేవర ‖

Verse

ఇద్దర వీరిద్దరును శుద్ధులై నిన్ను సేవించుటకై శ్రద్ధతో బుద్ధిగ సిద్ధ

పడన్ దిద్దుము నీ ప్రియ బిడ్డలుగాన్‖ దేవర ‖

Verse

వాసిగ నీ దాసులము చేసిన యీ మొఱల్ దీసికొని మా సకలేశ్వర నీ

సుతుఁడౌ యేసుని పేరిటఁ బ్రోవు మామేన్‖ దేవర ‖