ఆకాశమే పట్టనోడు

అవనిలో ఉద్భవించె ఆది సంభూతిని చూడరే

పుడమియే పరవశించె పసిబాలుని చూడగనే... పసిబాలుని చూడగనే

ఆకాశమే పట్టనోడు – ధరణిలో పుట్టినాడు

దావీదు పురమునందు దీనుడై – వెలసినాడు రక్షకుడు (2)

ఆనందమే మహా ఆనందమే – అందరికి ఇలలో సంతోషమే

ఆశ్చర్యమే ఇది అద్భుతమే – యేసు జననం అద్భుతమే (2)

అదృశ్య దేవుని మహిమ స్వరూపుడు

ఆది అంతమైన పరలోక నాథుడు(2)

ఆదియందు వాక్యంబుగా – సృష్టి కార్యము జరిగించినాడు

అనాది నుండి జ్ఞానంబుగా – సృష్టి క్రమము నడిపించినాడు (2)

అన్నిటిని కలిగించిన మహరాజు

కన్నీటిని తుడచుటకు దిగివచ్చినాడు (2)     ||ఆనందమే||

ప్రేమను పంచే ప్రేమామయుడు

రక్షణ ఇచ్చే రక్షించే దేవుడు (2)

పాపమే లేని సుగుణాల సుందరుడు

శాపము బాపను జన్మించెను చూడు (2)

నిత్యముండు నీతి సూర్యుడు – సత్యసాక్షిగా ఇలకొచ్చినాడు

ప్రేమను పంచే పావనాత్ముడు – పశుల పాకలో పవళించినాడు (2)

సర్వాధికారియైన మహరాజు

దీనులకు దీవెనగా దిగి వచ్చినాడు (2) ||ఆనందమే||    ||ఆకాశమే||