మా ఊహలు పుట్టక మునుపే

మా ఊహలు పుట్టక మునుపే – మా సర్వమునెరిగిన దేవా (2)

ఇహపరములలో నీవే – మా కోర్కెలు తీర్చెడి ప్రభువా (2)

విశ్వాస నిరీక్షణతో – కనిపెట్టియున్నచో (2)

పొందెదము ఎన్నో మేలులూ – ప్రభువా నీ పాద సన్నిధిలో (2)          ||మా ఊహలు||

నిన్నడుగకుండగనే – మోషేను పిలచితివి

నిన్నడిగిన సొలోమోనుకు – జ్ఞాన సిరుల నొసగిన దేవా (2)

పలు సమయముల యందు – పలు వరముల నిచ్చితివి (2)

అడుగనేల ప్రభువా ఈ ధరలో – నీ దివ్య కృపయే చాలు        ||మా ఊహలు||

ప్రార్ధించుచుంటిమి – సమస్యలు తీర్చమని

నిన్నడుగుచున్నాము నీ – రాజ్యములో చోటిమ్మని (2)

ఊహించు వాటికంటె – అధికముగా నిచ్చెడి దేవా (2)

ఇంతకంటె మాకేమి వలదు – నీ తోడు నీడే చాలు         ||మా ఊహలు||