మానసవీణను శృతిచేసి

మానసవీణను శృతిచేసి - మనసు నిండా కృతజ్ఞత నింపి

గొంతెత్తి స్తుతిగీతములే పాడవా

వింతైన దేవుని ప్రేమను నీవిల చాటవా

వేకువనే పక్షులు లేచి స్తుతి కేకలు వేయవా

సాయంసమయాన పిచ్చుకలు దేవుని కీర్తించవా

స్తుతి చేయుట క్షేమకరం - ఘనపరచుట మేలుకరం

దేవుని ఉపకారములకై సదా కీర్తించుట ధన్యకరం       ||మానసవీణ ||

శ్రమలతో తడబడితే ప్రార్థనతో సరిచేయి

దిగులుతో శృతి తగ్గితే నమ్మికతో సాగనీయి

మనమే జగతికి వెలుగిస్తే - విశ్వాసగళాలు కలిస్తే

స్తుతిధూపం పైపైకెగసి దీవెనలే వర్షింపవా       ||మానసవీణ ||