ఆకాశ పక్షులను చూడండి

ఆకాశ పక్షులను చూడండి

అవి విత్తవు అవి కోయవు

గరిసెలలో దాచుకోవూ

కొట్లలో కూర్చుకోవు          ||ఆకాశ||

అనుదినము కావలసిన ఆహారము

అందజేయును వాటికి ఆ దేవుడు

కలసికట్టుగా అవి ఎగిరి పోతాయి

కడుపు నింపుకొనిపోయి మరల తిరిగి వస్తాయి          ||ఆకాశ||

స్వార్ధము వంచన వాటికుండదు

సాటివాని దోచుకొనే మనసు ఉండదు

రేపటిని గూర్చిన చింత ఉండదు

పూట ఎలా గడపాలని బాధ ఉండదు          ||ఆకాశ||

పక్షులను పోషించే ఆ దేవుడు

మనుష్యులను పోషించుట మానివేయునా

సృష్టిలోన మనిషి బ్రతుకు శ్రేష్టము కదా

ప్రభువు తోడు ఉండగా మనకు ఎందుకు బాధ          ||ఆకాశ||