సంగీతములతో దేవుని

సంగీతములతో దేవుని - స్తుతించెదము ఎల్లప్పుడూ

అణకువ, శ్రమ, శాంతములతో - అభినందించుడి యేసునీ

పాపపు చీకటినుండి - విడిపించిన మన ప్రభునీ

శాపపు భారము మోసిన ప్రభునీ - ఘనపరచుడీ స్తుతులతో       ||సంగీతము ||

ప్రభునికి కలిగిన మనసును - ఆయుధముగను ధరించి

మన పొరపాటులు సరిచేసికొనుచు - మాదిరి బ్రతుకును చూపుదం       ||సంగీతము ||

నోటి మాటల ద్వారా - హృదయ తలంపుల ద్వారా

ఆత్మవరముతో, ఆవేదనతో - అనుసరించెదము ప్రభునీ       ||సంగీతము ||