దేవర నీ దీవెనలు

దేవర నీ దీవెనలు

ధారాళముగను వీరలపై

బాగుగ వేగమే దిగనిమ్ము

పావన యేసుని ద్వారగను (2)

దంపతులు దండిగ నీ

ధాత్రిలో వెలయుచు సంపదలన్

సొంపుగ నింపుగ పెంపగుచు

సహింపున వీరు సుఖించుటకై       ||దేవర నీ||

ఈ కవను నీ కరుణన్

ఆకరు వరకును లోకములో

శోకము లేకయే ఏకముగా

బ్రాకటముగను జేకొనుము            ||దేవర నీ||

ఇప్పగిది నెప్పుడును

గొప్పగు ప్రేమతో నొప్పుచు దా

మొప్పిన చొప్పున దప్పకను

మెప్పుగ బ్రతుకగ బంపు కృపన్      ||దేవర నీ||

తాపములు పాపములు

మోపుగ వీరిపై రాకుండగా

గాపుగ బ్రాపుగ దాపునుండి

యాపదలన్నియు బాపుచును        ||దేవర నీ||

సాధులుగన్ జేయుటకై

శోధనలచే నీవు శోధింపగా

కదలక వదలక ముదమున నీ

పాదము దాపున బాదుకొనన్          ||దేవర నీ||

మెండుగ భూమండలపు