Verse 1
నా యెడల నీకున్న తలంపులన్ని (2)
ఎంతో ఎంతో విస్తారమైనవి యేసయ్య (2)
అవి రమ్యమైనవి అమూల్యమైనవి(2)
నిత్యము నన్నే చూచుచున్నావా యేసయ్య
నాకై నీవు తలంచుచున్నావా (2) ||నా యెడల||
Verse 2
రాజువైన నీవు దాసుడవయ్యావా
దాసుడనైన నన్ను రాజుగా చేయుటకే (2)
అభిషేకించావు అధికారం ఇచ్చావు (2)
పరలోకంలో పరిశుద్ధులతొ సావాసం ఇచ్చావు
నీకే స్తోత్రము యేసయ్య (2) ||నా యెడల||
Verse 3
ధనవంతుడవై ఉండి దరిద్రుడవయ్యావా
దరిద్రుడనైన నన్ను ధనవంతునిగా చేయుటకే (2)
ఐశ్వర్యమిచ్చావు నను ఆశీర్వదించావు (2)
సుఖశాంతులతో నింపి కాపాడుచున్నావు (2)
నీకే స్తోత్రము యేసయ్య (2) ||నా యెడల||
Verse 4
బలవంతుడవై ఉండి బలహీనుడవయ్యావా
బలహీనుడనైన నన్ను బలవంతునిగా చేయుటకే (2)
నా స్తానము నిలిచావు నా శిక్ష భరించావు (2)
నీతిమంతుల సభలో నన్ను నిలబెట్టుచున్నావు
నీకే స్తోత్రము యేసయ్య (2) ||నా యెడల||