అమూల్యమైన ఆణిముత్యమా

అమూల్యమైన ఆణిముత్యమా

యెహోవ దేవుని హస్తకృతమా (2)

అపురూప సౌందర్య రాశివి నీవు

ఆత్మీయ సుగుణశీలివి నీవు (2)        ||అమూల్యమైన||

జ్ఞానము కలిగి నోరు తెరచుదువు

కృపగల ఉపదేశమును చేయుదువు (2)

ఇంటివారిని బాగుగ నడుపుచూ

వారి మన్ననలను పొందుచుందువు (2)        ||అమూల్యమైన||

చేతులతో బలముగా పనిచేయుదువు

బలమును ఘనతను ధరించుకొందువు (2)

రాత్రివేళ నీ దీపము ఆరదు

కాంతికిరణమై మాదిరి చూపుదువు (2)        ||అమూల్యమైన||

దీనులకు నీ చేతులు పంచును

దరిద్రులను నీవు ఆదుకొందువు (2)

దూరము నుండి ఆహారము కొనుచు

మంచి భోజనముతో తృప్తిపరచుదువు (2)        ||అమూల్యమైన||