ఎవరు భాగ్యవంతు లౌదు రవని లోపల

Evaru Bhagyavanthu Laudhu Ravani Lopala

Lyricist: Purushothamu Choudari

Chorus

ఎవరు భాగ్యవంతు లౌదు రవని లోపల మోక్ష వివరమైన క్రీస్తు

బోధ చెవులొగ్గి వినువారికన్న‖ నెవరు ‖

Verse

కవులు లాభ మరసి చేయు కపట మంత్రముల్ విధులు దవులఁ

బోవఁ దరిమి యేసు తత్వముఁగొనువారికన్న‖ నెవరు ‖

Verse

దీనమానసుల కట్టి యుప దేశ మిచ్చెను దివ్య మైన మోక్ష రాజ్యము

వారి దౌనటంచు ప్రభువు తెల్పె‖ నెవరు ‖

Verse

వృజినములకై దుఃఖించెడి సుజను లెవ్వరో వారు నిజముగ నోదార్పుఁ

బొంది నిత్య సంతోషింతు లని తెల్పె‖ నెవరు ‖

Verse

శాంతి నీతికరుణల యందా సక్తిగల వారు భూస్వతంత్రులై పరి తృప్తినొంది

దయఁ బడసెద రని ప్రభువు తెల్పె‖ నెవరు ‖

Verse

పరిశుద్ధ హృదయులు పరా త్పరునఁ జూతురు సర్వ నరుల

సమాధానపరచు నరులె పరమ జనకుని సుతులు‖ నెవరు ‖

Verse

నీతికొర కాపద నొందెడి నిశ్చ లాత్ములు వారు ఖ్యాతిగఁ బర లోక

రాజ్య ఘన సౌఖ్యము లెల్లను బడయుదురు‖ నెవరు ‖