ఎవరు జయించెదరో వారే సమస్తమును పొందెదరు

Evaru Jayinchedaro Vaare Samasthamunu Pondhedaru

Verse

జయించువాడు వీటిని స్వతంత్రించుకొనును ప్రకటన 21:7

Chorus

ఎవరు జయించెదరో

వారే సమస్తమును పొందెదరు

Verse

ఎవరు కష్ట బాధ లోర్చెదరో

పట్టువదలక ప్రభుతో నుండు వారే

దిట్టముగా నత్యధిక విజయమును పొంది

గట్టిగా నిలిచెదరు వారెల్లరు ప్రభులో

Verse

ఎవరు శోధనలను జయింతురో

జీవమకుటము వారే పొందెదరు

పావనుడైన పరమ క్రీస్తేసు తోడ

పరిపాలింతురు ప్రభుని దివ్య రాజ్యములో

Verse

ఎవరు లోకాశలను జయింతురో

వారే సైతానును ఓడింతురు

పరిపూర్ణముగా ప్రభుని బలము గలవారై

పరలోక స్వాస్థ్యమును పొందెదరు

Verse

ఎవరు క్రీస్తేసు సంబంధులో

వారే పాప మరణము జయింతురు

ఓ మరణమా నీ ముల్లెక్కడ యనుచు

వీక్షింతురు పరమ విభుని రాకడ కొరకై

Verse

ఎవరు ప్రభు సేవను చేసెదరో

వారే పొందెదరు బహుమానము

ఓరిమి కలిగి పరుగును ముగించి

మురిసెదరు హల్లెలూయ పాటలతో