ప్రభు యేసు క్రీస్తు

ప్రభు యేసు క్రీస్తు జన్మించే పరిపూర్ణ తేజముతో

లోకానికిదియే పర్వదినం - ఇదియే మహోదయం

పరిశుద్ధుడూ - పరమాత్ముడు - సత్యాసంపూర్ణుడై

పరలోక మార్గము చూపుటకు - తన ప్రేమను తెలుపుటకు

పాపులకై పరమును విడచి నరరూపధారునిగా

పశువుల శాలలో మరియ సుతునిగా ఆయన పవళించే

దూతలు తెలుప ఆవార్తవిని ఆ గొఱ్ఱెల కాపరులు

అడుగో ప్రభు అని ప్రభుని ఆరాధించిరి       ||ప్రభు ||

తూరుపు తారను కనుగొనిన ఆముగ్గురు జ్ఞానులు

ఓర్పున సాగి అద్భుతకరుడగు యేసును దర్శించి

భక్తితో మ్రొక్కి కానుకలిచ్చి బహుసంతోషించగా

మనమూ ఇది కనీ ప్రభుని ఆరాధింతుము       ||ప్రభు ||