ఎటు చూచినా

ఎటు చూచినా యుద్ధ సమాచారాలు

ఎటు చూచినా కరువూ భూకంపాలు

ఎటు చూచినా దోపిడీ దౌర్జన్యాలు

ఎటు చూచినా ఎన్నో అత్యాచారాలు

ఓ సోదరా ఓ సోదరీ (2)

రాకడ గురుతులని తెలుసుకోవా

తినుటకు త్రాగుటకు ఇది సమయమా       ||ఎటు||

మందసము నీ ప్రజలు – గుడారములో నివసిస్తుండగ

యోవాబుని సేవకులు దండులో నుండగను (2)

తినుటకు త్రాగుటకు భార్యతో నుండుటకు (2)

ఇది సమయమా.. ఇది సమయమా.. అని

ఆనాడు ఊరియా దావీదునడిగాడు

ఈనాడు నిన్ను కూడా ప్రభువు అడుగుచున్నాడు      ||ఎటు||

నా పితరుల యొక్క – సమాధులుండు పట్టణము

పాడైపోయెను పాడైపోయెను (2)

యెరూషలేము గుమ్మములు అగ్ని చేత కాల్చబడగా (2)

సంతోషముగ నుండుటకు ఇది సమయమా.. అని

ఆనాడు నెహెమ్యా పర రాజునడిగాడు

ఈనాడు నిన్ను కూడా ప్రభువు అడుగుచున్నాడు         ||ఎటు||

ఈనాడు దేశంలో ఎన్నో ఎన్నో దౌర్జన్యాలు

సజీవ దహనాలు స్త్రీల మానభంగాలు (2)

ఎన్నో గుడులు నేల మట్టం చేయబడుచుండగా (2)

తినుటకు త్రాగుటకు ఇది సమయమా అని

నీ సృష్టికర్తగు యేసు నిన్ను అడుగుచున్నాడు

ఈనాడు దేశం కొరకు ప్రార్ధించమన్నాడు         ||ఎటు||