నా ప్రాణమునకు సేదను దీర్చి

నా ప్రాణమునకు సేదను దీర్చి - నా అలుపును బాపుము దేవా

నా అలసటను దీర్చుము దేవా - (ఈ) అల్పుని బలపరచుము - 2

నీ పవిత్రతకు శతృత్వం - విశ్రాంతిలేదు ఏమాత్రం

వెలుపట పోరాటములు - లోపట భయకంపములు

అపార్ధములు అపోహలు - అపనిందలు అభాండములు

దురవగాహన దూషణల మధ్యన కావాలి ఆదరణ నీ నిత్య ఆదరణ       ||నా ||

సువార్త సేవ అనివార్యము - అది నీవిచ్చిన నా భాగ్యము

సహృదయం కల్గినట్టి - సహచర్యము అవసరము

ఆవేశం ఆందోళన ఆవేదన హృదయాన

ఆత్మశక్తితో అభిషేకముతో అనుగ్రహించు సమాధానము నీ నిత్య సమాధానము       ||నా ||

స్వశక్తిచేత ఈ యాత్ర సాగించుట అసాధ్యము

నీ శక్తిగల హస్తముతో పట్టుకొని నడుపుము

నీ దర్శన వెలుగులో ధైర్యము దయచేయుము

నీ సన్నిధిలో ఈ జీవితం తరించే కృపనీయుము తరించే కృప నీయుము

పద్యం:ఎన్నికలేని నాకిల నీ సన్నిధి నిచ్చి - నమ్మకమైన నీవార్త నప్పగించి

ఎచటి కేగిన నిన్నావరించియుందునని ఆనతి నిచ్చితివి

వక్తలెందరో వసించు ఈపాప జగతినందు

ఎట్లు ప్రకటించ గలాడనయ్యా నీ ఆత్మశక్తిలేక