రండి రండి వెలుగుసంబంధులు

రండి రండి వెలుగుసంబంధులు - చీకటిలో ఎందుకండి చిందులు

యేసు సన్నిధికాంతి ఆశించండి - ఆత్మ దీపాలను వెలిగించండి

లోకాన వెలుగు చెలుగుచుండెను - చీకటి దానినెరుగకుండెను

అందులోన ఉన్నవారు అందరు కన్నులుండి చూడలేని అంధులు       ||రండి ||

చీకటిలో కాచెడి చోరులు - చీకటిపై లేచేది జారులు

చీకటిలో తీసేవి గోతులు - చీకటిలో పొందేవి చింతలు       ||రండి ||

అమావాస్యకన్న ఘోరచీకటి అంతరంగమందు పాపచీకటి

ఎరుగకుంది నిజమైన వెలుగును లోకమందు ప్రకాశించు క్రీస్తును       ||రండి ||

వేకువనే వేనవేలు లక్షలు ప్రభువుని స్తుతించు పక్షులు

వాటికంటె నరులెంతో శ్రేష్టులు పొందండి దేవుని అభీష్ఠులు       ||రండి ||

అంధకార సంబంధులు అందరు వెలుపట చీకటిలోన ఉందురు

వెలుగు సంబంధులు అందరు - మహిమ తేజాన వెలుగుచుందురు       ||రండి ||