దేవుని స్తుతియించి ఆరాధింతుము

దేవుని స్తుతియించి ఆరాధింతుము

మన దేవుని ఆరాధించి ఆనందింతుము (2)

రండీ ఓ జనులారా

సర్వలోక నివాసులారా (2)

సంతోషగీతము పాడెదము (2)

ఆహా.. ఆరాధనా.. – హల్లెలూయా ఆరాధనా... (2)         ||దేవుని||

వేటకాని ఉరిలో నుండి ఆయనే నిన్ను విడిపించును

భారమైన నీ బాధలను ఆయనే ఇక తొలగించును (2)

ఏ తెగులు నీ ఇల్లు దరిచేరదు (2)

ఆయనే రక్షించును          ||రండీ ఓ||

బండ చీల్చి నీళ్ళను ఇచ్చి ఇశ్రాయేలీయులను కాచెను

నింగి నుంచి మన్నాను పంపి వారి ప్రాణము రక్షించెను (2)

శత్రువుల చెర నుంచి విడిపించెను (2)

తోడుండి నడిపించెను         ||రండీ ఓ||

మన విరోధి చేతిలోనుండి ఆయనే మనను తప్పించును

కష్టకాల ఆపదలన్ని ఆయనే ఇక కడతేర్చును (2)

వేదనలు శోధనలు ఎదిరించగా (2)

శక్తిని మనకిచ్చునూ        ||రండీ ఓ||

కన్నవారు ఆప్తులకంటే ఓర్పుగా మనను ప్రేమించును

భూమికంటే విస్తారముగా ప్రేమతో మనను దీవించును (2)

ఆ ప్రభువు రక్షకుడు తోడుండగా (2)

దిగులే మనకెందుకు     ||రండీ ఓ||