ఓ యన్నలారా నే విన్నవింతు నేడు

ఓ యన్నలారా నే విన్నవింతు నేడు - విన్నారా !

నరుడై లోకములోన బుట్టెను - నరులందరికి మేలు చేసెను

కరుణాకరుడని బిరుదు నొందినాడే - విన్నారా !       ||ఓ యన్నలార ||

పాపులను ప్రేమించినవాడు - పాపమును ద్వేషించినవాడు

యేసు కాక మరి వేరే లేరయ్యా       ||ఓ యన్నలార ||

నాయీనను ఒక ఊరినందున - పేదరాలి కొడుకు ఒకడు చచ్చెను

మోసేవారు మోయుచుండిరి - పాడెముట్టి ప్రభు యేసు లేపినాడే విన్నారా!       ||ఓ ||

ఐదు రొట్టెలు రెండు చేపలను - ఐదువేలమంది కాహార మిచ్చెను

ముక్కలు పన్నెండు గంపలెత్తినారే విన్నారా !       ||ఓ యన్నలార ||

పాపాత్మురాలు పావనుని చేరి - కన్నీటితో పాదాలు తడిపె

తన ప్రేమతో పాపాలు కడిగాడే విన్నారా !       ||ఓ యన్నలార ||

పరలోకమునకు ఎక్కిపోయెను - మరల వత్తునని మాట ఇచ్చెను

నమ్మిన వారికి మోక్షమిత్తుననెను - విన్నారా !       ||ఓ యన్నలార ||