ఆశీర్వాదము - శాశ్వత జీవము

ఆశీర్వాదము - శాశ్వత జీవము

నీ యందే - నిరతం - కనుగొంటిమయా

నీవు దీవించు నరులే ధన్యులని

నిన్ను ముదమార హెచ్చించి కొనియాడనీ

అబ్రాహామును దీవించీ - సంపన్నునిగా చేశావు

యోసేపును దీవించీ - సింహాసనమును ఇచ్చావు

యోబును దీవించి - సిరులను రెట్టింపుచేశావు

నిన్నాశ్రయించీ - జీవించు వారికి

మెండైన సంపదలు అందింతువు       ||ఆశీర్వాదము ||

హిజ్కియాను దీవించీ ఆయుష్కాలమునిచ్చావు

సొలోమోనును దీవించీ - జ్ఞాన వివేకములిచ్చావు

దావీదున్‌ దీవించీ - సింహాసనమును ఇచ్చావు

నినువెంబడించీ ప్రార్థించువారికి హెచ్చైన ఆశీస్సులందింతువు       ||ఆశీర్వాదము ||