ఆనందము ప్రభు నాకొసగెను

ఆనందము ప్రభు నాకొసగెను

నా జీవితమే మారెను (2)

నా యుల్లమందు యేసు వచ్చెన్

నా జీవిత రాజాయెను (2)         ||ఆనందము||

ప్రభుని రుచించి ఎరిగితిని

ఎంతో ఎంతో ప్రేమాముర్తి (2)

విశ్వమంతట నే గాంచలేదు

విలువైన ప్రభు ప్రేమను (2)      ||ఆనందము||

సంతోషం సముద్రపు అలలన్ పోలి

పైకి ఉప్పొంగి ఎగయుచుండె (2)

నన్ను పిలిచి ఎన్నో మేలులు చేసే

నూతన జీవమొసగెన్ (2)       ||ఆనందము||

శత్రువున్ ఎదిరించి పోరాడెదన్

విజయము పొంద బలమొందెదన్ (2)

ప్రభువుతో లోకమున్ జయించెదన్

ఆయనతో జీవించెదన్ (2)    ||ఆనందము||