Verse 1
నా మనో నేత్రము తెరచి
నా కఠిన హృదయమును మార్చి (2)
అంధకారములో నేనుండ (2)
వెదకి నన్ రక్షించితివి (2) ||నా మనో||
Verse 2
నే పాప భారము తోడ
చింతించి వగయుచునుంటి (2)
కల్వరి సిలువలో నా శ్రమలన్ (2)
పొంది నన్ విడిపించితివి (2) ||నా మనో||
Verse 3
ఎన్నాళ్ళు బ్రతికిననేమి
నీకై జీవించెద ప్రభువా (2)
బాధలు శోధనలు శ్రమలలో (2)
ఓదార్చి ఆదుకొంటివయా (2) ||నా మనో||
Verse 4
నీ సన్నిధిని నే కోరి
నీ సన్నిధిలో నే మారి (2)
స్తుతి పాత్రగ ఆరాధింతున్ (2)
యుగయుగములు సర్వ యుగములు (2) ||నా మనో||