Verse
జగమంత దివ్యకాంతితో
ప్రకాశించే క్రీస్తు జన్మతో
దేవుడే మానవుడై
మన మధ్య నివసింప
ప్రేమానురాగాలు పంచగా ఇలలో
పాపులను రక్షింప
ప్రాణమునే అర్పింప
పావనుడే ఈ భువికి వచ్చు వేలలో
చీకటి నిండిన పాపము పండిన
లోకమునెంతో ప్రేమించెను
త్రోవ తప్పిన దేవుని విడచిన
పాపిని యెంతో క్షమియించెను
లోకపాపములు మోయు గొర్రెపిల్లగా క్రీస్తు
శిలువలో మరణించి పాపమునే తొలగించె
లోకమును వెలిగించ క్రొవ్వత్తుల కరిగి
బ్రతుకులో చీకటిని పారద్రోలెనే
వేవేల కాంతులతో
నిండెను బ్రతుకంతా
శ్రీ యేసు జన్మించగా
ఈ లోకానికే పండుగ
ఆజ్ఞాతిక్రమమే పాపమాయెను
నిత్య మరణానికి దారి తీసెను
దేవుని కృపలో క్రీస్తు నందు
నిత్య జీవము అనుగ్రహించెను
నశియించే వారిని వెదకి రక్షించుటకు
అరుణోధయ తారయై ఉదయించెను
విశ్వసించు ప్రతివాడు నిత్య జీవము పొంద
జీవహారమై దిగి వచ్చెను
మరణపు ముళ్ళు విరిచెను
పరలోకము చేర్చెను
శ్రీ యేసు దరికి చేరగా
విశ్వాసముంచి నీవు కొలువగ