Verse
కావలెనా యేసయ్య బహుమానము
(మరి) చేయాలి విలువైన ఉపవాసము‖ 2x ‖
సిద్ధమౌ శ్రీ యేసుని ప్రియా సంఘమా
చిగురించాలి అంజూరపు చెట్టు కొమ్మలా‖ 2x కావలెనా ‖
Verse
నీనెవె పట్టణము యెహోవా దృష్టికి
ఘోరమాయెను – పాపముతో నిండిపోయెను
సృష్టికర్త యెహోవా యోనాను దర్శించి
నీనెవెకు పంపెను – కనికరము చూపించెను
ఘనులేమి అల్పులేమి – నీనెవె పట్టణపు రాజేమి
పిల్లలేమి పెద్దలేమి – ఉపవాసము చేయగా
ఆగింది యెహోవా శాపము
కురిసింది కరుణ వర్షము‖ 2x కావలెనా ‖
Verse
దేవుని ప్రజలను నశియింప చేయుటకు
దుష్టుడు తలచెను – కలవరము పుట్టించెను
మొర్దెకై వేదనతో రాజునొద్దకు పంపుట
దైవ చిత్తమని – ఎస్తేరును సిద్ధపరచెను
ఘనులేమి అల్పులేమి – షూషను కోటలో రాణి ఏమి
పిల్లలేమి పెద్దలేమి – ఉపవాసము చేయగా
అణిగింది హామాను గర్వము
జరిగింది దేవుని చిత్తము‖ 2x కావలెనా ‖