Verse
కళ్యాణ వేడుక – రమణీయ గీతిక
శుభప్రద ఆశాదీపిక – సుమధుర స్వరమాలిక
క్రీస్తు సంఘ ప్రేమకు జ్ఞాపిక
నూతన జీవిత ప్రారంభ వేదిక
Verse
వివాహ వ్యవస్థను చేసిన దేవుడు
మొదటి వివాహము జరిగించినాడు
సంఘ వదువుకై ప్రాణమిచ్చిన ప్రియుడు
ఈనాటి పెళ్ళికి కారణభూతుడు
కడపటి పెళ్ళికి ఆయనే వరుడు
Verse
ఒకరికి ఒకరు సహకారులుగా
సంతోషముతో ఇల జీవించగా
సంతానముతో దీవించబడగా
సహవాసములో సంతృప్తి చెందగా
పరిశుద్ధుడే కలిపె ఇరువురిని ఒకటిగా
Verse
కిలకిల రవళుల వీణెలు మ్రోగెను
ఆనంద లహరుల సందడి సాగెను
పరలోక దూతల సంతోష గానాలు
బంధుమిత్రుల అభినందన మాలలు
ఆ జంట కనులలో వెలిగే కాంతులు