కనలేను ప్రభుకేల

Kanalenu Prabhukela

Lyricist: K Sundar Rao

Verse

కనలేను ప్రభుకేల శ్రమ సిల్వపై

మనలేను ప్రభు జూచి కఠినాత్మునై

కఠినాత్మునై…‖ కనలేను ‖

Verse

పాపులనేలేటి ప్రభునేలనో

బల్లెంపు పోటుల బంధించిరి‖ 2x ‖

కనుపించు పాపాలు రక్తాలలో

ప్రభు బాధలో‖ కనలేను ‖

Verse

ముండ్ల కిరీటము ప్రభుకేలనో

మూఢులు మోపిరి ప్రభు నెత్తిని‖ 2x ‖

ప్రభు రక్త గాయాలు నా పాపమా

ప్రభు శాపమా‖ కనలేను ‖

Verse

తన జంపు శత్రువుల క్షమియించెను

క్షమియింపుమని తండ్రిని వేడెను‖ 2x ‖

క్షమా బుద్ధి నేర్పించి చితి నోర్చెను

భరియించెను‖ కనలేను ‖

Verse

మోయజాలని సిలువ మోయించిరి

దివినేలు బాహువులు బంధించిరి‖ 2x ‖

నా పాపమంతయు ప్రభు మోసెను

భరియించెను‖ కనలేను ‖

Verse

జీవజలముల నిచ్చుఁ ప్రభుకేలనో

చేదు చిరక త్రాగను అందించిరి‖ 2x ‖

ఆత్మ దాహము తీర్చ బలి అయ్యెను

సిలువొందెను‖ కనలేను ‖

Verse

తన ఆత్మ తండ్రికి సమర్పించెను

తనదంతా తండ్రితో చాచుంచెను‖ 2x ‖

తలవంచి తండ్రిలో తుది చేరెను

కను మూసెను‖ కనలేను ‖

Verse

లోకాలనేలేటి ప్రభువేలనో

ఈ ఘోర మరణంబు గురి అయ్యెనో‖ 2x ‖

నా పాప బ్రతుకేల ప్రభువేడ్చెనో

సిలువేసెనో‖ కనలేను ‖