Verse
కనుచూపుమేరలోన ఏ ఆశలేని వేళ
ఎటుతోచక లోలోన నే కృంగియున్న వేళ
Pre-Chorus
నేనున్నా నీతో అంటూ నా చెంతకు చేరావు
నా కన్నీరంతా తుడిచి నీ కౌగిట దాచావు
Verse
మొదలుపెట్టిన కార్యం మధ్యలో ఆగిపోగా
బెదిరిపోయి నా హృదయం బేలగా మారిపోగా
పనిపూర్తి చేయగా బలములేని వేళ
నేనున్నా నీతో అంటూ నా చెంతకు చేరావు
నా ఆటంకాలన్నిటినీ యేసూ తొలగించావు
Verse
శ్రమలు తెచ్చిన దుఃఖం శాంతినే దోచుకోగా
చెదిరిపోయి ఆశలసౌధం నా గొంతు మూగబోగా
స్తుతిపాట పాడగా స్వరము రానివేళ
నేనున్నా నీతో అంటూ నా చెంతకు చేరావు
నా నోటను నూతనగీతం యేసూ పలికించావు
Verse
కపట మిత్రుల మోసం అగ్నిలా కాల్చబోగా
సడలిపోయి నా విశ్వాసం ధైర్యమే లేకపోగా
అడుగేసి సాగగా అనువుగాని వేళ
నేనున్నా నీతో అంటూ నా చెంతకు చేరావు
నా ప్రార్థనకు ఫలమిచ్చి యేసూ నడిపించావు