Verse
కొనియాడబడును యెహోవాయందు భయభక్తులు గల వనిత
తనవారికైన పగవారికైన పంచును సమత మమత
Verse
ప్రతి పరిస్థితిని ప్రేమతో భరించగలిగిన ఓర్పు
ప్రతికూలతను అనుకూలముగా మార్చేటి నేర్పు
కలిగిన భార్య ఇంటికి దీపము
సంఘమనే ఆ వధువునకు నిజమైన రూపము
Verse
తండ్రివలె ఓదార్చి తల్లివలె సేదదీర్చి
మిత్రునివలె భర్తకు ఎప్పుడు తోడుగ నిల్చును
దైవ జ్ఞానముతో కుటుంబమును నడుపును
రాబోవు వాటి గూర్చి నిశ్చింతగా నుండును
Verse
బ్రతుకు దినములన్నియును భర్తకు మేలే చేయును
దీనులకు దరిద్రులకు తన చేయిచాపును
ఆహారమును తానే సిద్ధపరచును
ఇంటివారినందరిని కనిపెట్టుచుండును