Verse
క్రొత్త గీతముచే నా యుల్లము ప్పొంగ
యేసుని కీర్తింతును
పరిమళ తైలమును పోలిన
నీ నామమునే ప్రేమింతును
Chorus
హల్లెలూయా స్తుతి హల్లెలూయా
నా ప్రభు యేసుని గూర్చి పాడెదను
ఇట్టి కృపను నాకు నిత్యము నిచ్చిన
ప్రభుని కీర్తింతును
Verse
గత కాలమంతయు కాపాడెన్
కష్టబాధలు కలుగకుండ
తన ఆశీర్వాదంబులు నాకొసగి
సుఖభద్రతనిచ్చెన్
Verse
కొన్ని వేళలు క్షణకాలము
తన ముఖమును కప్పుకొనెను ప్రభువే
తన కోపము మాని తిరిగి నా యెడల
కుమ్మరించును కృపను
Verse
కరువు లధికంబగు చుండినను
ప్రభు ఆశ్రయముగనుండు
పలు స్థలములలో వ్యాధులు వ్యాపింపగ
ప్రభు మమ్ము కాపాడెన్
Verse
ప్రభు త్వరగా వచ్చును సంతసముగ
మమ్ము జేర్చును పరమందు
కనిపెట్టెద మనిశం నింగిని జూచుచు
ఆశతో గాంచెదము