లేచు దినము వచ్చును మృతు లెల్ల

Laechu Dhinamu Vacchunu Mruthu Lella

Lyricist: Medikayala Sadhuvu

Chorus

లేచు దినము వచ్చును మృతు లెల్ల నికఁ లేచు దినము వచ్చును వేచి

యిల నున్నట్టి విమలు లెల్ల నడుపు లేచి ప్రభుని నెదురు కొందు

రానందముతో‖ లేచు ‖

Verse

యేసు మేఘారూఢూండై యిలకు దిగ వాసిగ దూత లపుడు

భాసురంబుగ బాకా పై నినాదము సేయ గ సమాధుల నిద్రగాంచు

జనులెల్లరు‖ లేచు ‖

Verse

కడబూర ధ్వని సేయఁగ మడిసిన వారు తడవు సేయక లేతురు

ఎడతెగక ప్రభు నొద్దఁ గడు సంతసంబుతో విడువక యుందు రా

విమల లోకమునందు‖ లేచు ‖

Verse

ఘన మహిమన్ బ్రభువు రాఁగన్ గడలి యపుడు తన యందుండెడి

శవములన్ ఘనముగఁ గాననము దనయందుండెడు మృతులన్

వినయంబుతో దెచ్చి విభుని కప్పగింప‖ లేచు ‖

Verse

అరయంగ నీతపరు లా నందమున న క్షర దేహులై వెలయుచున్ జిరత

రానందంబు బరలోకమున నెపుడు స్ఫురిత జీవను లగుచుఁ బరమ

సుఖ మొందుదురు‖ లేచు ‖

Verse

కరుణ లేని సమాధీ నిరతము నన్నుఁ జెరపట్టి యుంచగలవే వరదుండు

క్రీస్తుండు వర దూత సేనలతోఁ బరివేష్టితుఁడై యదిగో నరుదెంచుచున్నాఁ

డు‖ లేచు ‖

Verse

మరణమా నీ ముల్లేది నరులను నింక వెఱపించు చుండగలవే

మరణ సంహారుండు మహిమతో నరుదేరన్ మరణం బడుగుబడి య

మర త్వంబిఁక నుండున్‖ లేచు ‖

Verse

మరణంబు నొందలేదా ప్రభు యేసు నీ చెఱయందు నుండలేదా

పరమేశు తనయుండు మరణ సమాధులన్ పరిపూర్ణముగ గెల్చి చెఱను

జెరగపట్టెను‖ లేచు ‖

Verse

మంగళములు పాడరే క్రీస్తుకు జయ మంగళములు పాడరే

మంగళములు పాడి మంగళ ప్రదుఁడైన శృంగార రాజునకు

సంగీతంబులతోడ మంగళములు పాడరే‖ లేచు ‖