Verse 1
మధురమైన ప్రేమతో నన్ను ప్రేమించితివి
ఆశ్చర్యమైన నీ కృపతో నన్ను మన్నించితివి
మొదటి ప్రేమ కోల్పోయిన
లోకాన్ని ఆశించి నిను విడచిన
నీ కరములు చాచితివి
నీ చెంతకు చేర్చుకొంటివి
నీ ప్రేమ నాపై తరగనిది
నీ కృప నన్ను విడువనిది
నిన్నే కీర్తించెద
నిన్నే స్తుతించెద
నిన్నే స్మరించెద జీవితకాలమంత
నిన్నే పూజించెద
నిన్నే హెచ్చించెద
నిన్నే నిన్నే సేవించెదను
ఆత్మకు ప్రతికూలమైన
శరీర క్రియలు వాంఛించినా
నీ వాక్యమునకు దూరమై
దురాశలు వెంటాడినా
శుద్ధాత్మను తోడుగనిచ్చి
నన్ను ఆత్మఫలముతో నింపితివి
ప్రేమలేని జీవితముతో
మ్రోగెడు కంచువలె నేనుండినా
కృపావరములులెన్నో కలిగుండినా
గణగణలాడు తాళమునైయుండగా
విశ్వాస నిరీక్షణ ప్రేమలు
నా హృదయములో నిలిపితివి