Chorus
నా నిమిత్తమాయన మహిని శ్రమలు పొందెను
ఘనధనముల రోసెను అనుమతించె చావుకు
Verse
నా నిమిత్తమె (3) మరణ మాయెను‖ 3x ‖
తన జీవమును నాకు బలిగా ధారపోసెను‖ నా నిమి ‖
Verse
గొఱ్ఱెపిల్ల రీతిగా గొప్ప శాంతి జూపెను
ఉర్వినంత మోపినన్ యోర్చె మౌనవృత్తిని‖ నా నిమి ‖
Verse
అతడు దోషమెరుగడు అతడు కపటమెరుగడు
అయినను దేవుడు అతని నలుగగొట్టెను‖ నా నిమి ‖
Verse
అతడు యిలను పొందిన అధిక దెబ్బలవలన్
క్షితిని నాకు కలిగెను స్వస్థత మది రూఢీగా‖ నా నిమి ‖
Verse
రోగముల్ భరించెను వ్యసనములు వహించెను
బాగుగా నొత్తిడిన్ బాధలన్ సహించెను‖ నా నిమి ‖
Verse
గాయములను పొందెను కాయమంత నొచ్చెను
హేయమైన నిందలన్ ఎలమిలో సహించెను‖ నా నిమి ‖
Verse
ఎదిగె నాయన మన యెడల దీన వృత్తిని
సదనులమగు ప్రీతితో సరకు చేయమైతిమి‖ నా నిమి ‖
Verse
తన యనుభవమున్ మనల దోషరహితులన్
చేయ నుద్దేశించెన్ ప్రాణమర్పించెను‖ నా నిమి ‖