నడిపించు నానావ నడిసంద్రమున దేవ

Nadipinchu Naanaava Nadisandramuna Deva

Chorus

నడిపించు నానావ నడిసంద్రమున దేవా

నవజీవన మార్గమున నాజన్మ తరియింప‖ నడిపించు ‖

Verse

నా జీవిత తీరమున నా యపజయ భారమున

నలిగిన నా హృదయమును నడిపించు లోతునకు

నా యాత్మ విరబూయ నా దీక్ష ఫలియింప

నా నావలో కాలిడుము నా సేవ జేకొనుము‖ నడిపించు ‖

Verse

రాత్రంతయు శ్రమపడినా రాలేదు ప్రభు జయము

రహదారులు వెదకినను రాదాయెను ప్రతిఫలము

రక్షించు నీ సిలువ రమణీయ లోతులలో

రతనాలను వెదకుటలో రాజిల్లు నా పడవ‖ నడిపించు ‖

Verse

ఆత్మార్పణ చేయకయే ఆశించితి నీ చెలిమి

అహమును ప్రేమించుచునే అరసితి ప్రభు నీ కలిమి

ఆశ నిరాశయే ఆవేద నెదురాయే

ఆథ్యాత్మిక లేమిగని అల్లాడె నావలలు‖ నడిపించు ‖

Verse

ప్రభు మార్గమి విడచితిని ప్రార్థించుట మానితిని

ప్రభు వాక్యము వదలితిని పరమార్థము మరచితిని

ప్రపంచ నటనలో ప్రావీణ్యమును బొంది

ఫలహీనుడనై యిపుడు పాటింతు నీమాట‖ నడిపించు ‖

Verse

లోతైన జలములలో లోతున వినబడు స్వరమా

లోబడుటను నేర్పించి లోపంబును సవరించి

లోనున్న ఈవులలో లోతైన నా బ్రతుకు

లోపించని యర్పణగా లోకేశజేయుమయ‖ నడిపించు ‖

Verse

ప్రభు యేసుని శిష్యుడనై ప్రభు ప్రేమలో పాదుకొని

ప్రకటింతును లోకములో పరిశుద్ధుని! ప్రేమకథ

పరమాత్మ ప్రోక్షణతో పరిపూర్ణ సమర్పణతో

ప్రాణంబును ప్రభు కొరకు ప్రానార్పణము చేతు‖ నడిపించు ‖