Verse
నమస్కరింప రండి
దావీదు పుత్రుని
శ్రీ యేసు రక్షకుండు
ఏతెంచె భూమికి
న్యాయంబు లోకమందు
స్థాపించి నిత్యము
అన్యాయ మంతఁ దాను
పోఁగొట్టవచ్చెను.
Verse
వర్షంబు పడునట్లు
శుష్కించు నేలను
దుఃఖించు వారి కెల్ల
హర్షంబు నిచ్చును
శ్రీ యేసు రాజ్యమందు
సద్భక్తులందఱు
ఖర్జూర వృక్ష రీతిన్
వర్ధిల్లుచుందురు.
Verse
దిగంతవాసు లైన
భూరాజు లందఱు
శ్రీ యేసు చరణంబుల్
నమస్కరింతురు
భూలోకవాసులైన
జనంబు లందఱు
క్రీస్తు స్వాధీనమందు
జీవింతు రెప్పుడు.
Verse
విరోధులైన వారిన్
జయింప నెన్నఁడున్
సింహాసనంబుమీఁద
ఆసీనుఁడగును
అత్యంత ప్రేమమూర్తి
శ్రీ యేసు ప్రభువు
ఆ దివ్య నామకీర్తి
వ్యాపించు నీ భువిన్.