Chorus
నీ ధనము నీ ఘనము ప్రభు యేసుదే
నీ దశమ భాగము నీయ వెనుదీతువా‖ నీ ధనము ‖
Verse
ధరలోన ధన ధాన్యముల నీయగా
కరుణించి కాపాడి రక్షింపగా‖ 2x ‖
పరలోక నాథుండు నీకీయగా
మరి యేసు కొరకీయ వెనుదీతువా‖ నీ ధనము ‖
Verse
పాడిపంటలు ప్రభువు నీకీయగా
కూడు గుడ్డలు నీకు దయచేయగా‖ 2x ‖
వేడంగ ప్రభు యేసు నామంబును
గడువేల ప్రభుకీయనో క్రైస్తవా‖ నీ ధనము ‖
Verse
వెలుగు నీడలు గాలి వర్షంబులు
కలిగించె ప్రభు నీకు ఉచితంబుగా‖ 2x ‖
వెలిగించ ధరపైని ప్రభు నామము
కలిమికొలది ప్రభున కర్పింపవా‖ నీ ధనము ‖
Verse
కలిగించె సకలంబు సమృద్ధిగా
తొలగించె పలు బాధభరితంబులు‖ 2x ‖
బలియాయె నీ పాపముల కేసువే
చెలువంగ ప్రభుకీయ చింతింతువా‖ నీ ధనము ‖